माप्य खुम्बु मितेरी ट्रस्ट ब्रिज निर्माण कार्यको सिलान्यास सु सम्पन्न
माप्य खुम्बु मितेरी ट्रस्ट ब्रिज निर्माण कार्यको सिलान्यास सु सम्पन्न भएको छ । माप्य दुधकोशी गाउ पालिका वडा नं १ र २ स्थित दुधकोशि नदिमा बन्न लागेको मोटरेवल ट्रस्ट ब्रिजको निर्माणकार्यको आज स्थानिय परम्परा अनुसार बौद्ध धर्म र हिन्दु धर्मको दुवै विधिबाट पुजा गरी सोलुखुम्बु जिल्लाबाट निर्वाचित प्रतिनिधि सभा सांसद माननिय हेम कुमार राई सुरविर र प्रदेश सभा सांसद माननिय बुद्धि कुमार राज भण्डारी ज्यु बाट सिलान्यास गरिएको हो । पुल निर्माण गर्न खुम्बु पासाङल्हामु गाउपालिका र माप्य दुधकोशी गाउपालिका बाट संयुक्त लगानि गर्ने गरी सम्झौता भै सकेको छ भने प्रतिनिधि सभा सांसद माननिय हेमकुमार राई सुरविर को सांसद कोषबाट नब्बे लाख रूपैंया र प्रदेश नं १ बाट दुई करोड रूपैया बिनियोजन गरिने भएको छ । पुल निर्माण गर्न कुल जम्मा आठ करोड चौतीस लाख अस्सी हजार रूपैयाको ठेक्का सम्झौता भएको छ ।
