FAQs Complain Problems

 

 

महिला सशक्तीकरणका लागि खुम्बु पासाङ ल्हमु गाउँ पालिकाद्वारा महिला समूह गठन

खुम्बु पासाङ ल्हमु गाउँ पालिका अन्तरगत महिला समूह गठनलाई तीब्रता दिएको छ । गाउँ पालिका तीनका साविको वड अनुसार महिला समूह गठन गरिएको हो । चौरिखर्क ५ अर्थात गाउँ पालिका ३ जम्फुटेमा याङ्जि शेर्पाको अध्यक्षतामा ११ कार्यसमिति गठन गरिएको छ । गाउँ पालिका तीनका महिला सदस्य दालह्मु शेर्पा प्रमुख उपस्थित र गाउँ पालिकाका लेखापाल चेतनाथ कट्टेलको बिशेष उपस्थितमा समूह गठन गरिएको हो ।

गाउँ पालिका तीन जम्फुटे स्थित ह्याप्पी रेष्ट रेष्टुरेन्टमा गुमेला, टोकटोक, ङोम्बातेङ र जम्फुटेका स्थानीय महिलाहरूको सहभागितामा गठन भएको महिला समुहलाई सगरमाथा महिला समूह नामाकरण गरिएको छ । स्थानीय महिलाहरूलाई अात्मानिरभरता गराउने उदेश्यका साथ गठन भएको समुहले शिक्षा, स्वास्थ, रोजगारी, सम्बन्धि सचेतना मुलक कार्यक्रम अायोजना गर्नुपर्ने महिला सदस्य दाल्हमु शेर्पाले बताउनु भयो । त्यास्तै समुहको माग र कार्यक्रम अनुसार गाउँ पालिकाबाट योजनाहरू पारित गरि सहयोग गर्ने पनि गाउँ पालिका ३ का महिला सदस्य शेर्पाले प्रतिबद्धता गर्नुभयो । गाउँका अशिक्षित महिलालाई सीपमूलक तालिम सञ्चालन गर्ने र अन्तारिक तथा बाह्य पर्यटन विकाशका लागि समेत समुहले कार्यक्रम गर्ने योजना छ । त्यस्तै निविरोध अध्यक्ष चयन भएको समुहका अध्यक्ष ल्हाक्पा याङ्जी शेर्पाले समुहको उदेश्य पूरा गर्न सबैको साथ सहयोग अावस्यक रहेको भन्दै सबैलाई अाग्रह गर्दै वर्ड ३ कै नमुना समूह भनाउने उहाँले प्रतिबद्ध व्यक्त गर्नुभयो । समुहमा सचिबमा ङिमा याङ्जी शेर्पा कोष अध्यक्षमा दाली शेर्पा निविरोध चयन भएको हो ।

 

आर्थिक वर्ष: